![](uploads/news/5c3748454860f7.73932742.jpg)
რამდენიმე წუთის წინ გავრცელდა ინფორმაცია, რომ თეთნულდის სათხილამურო კურორტის მიმდებარე ტერიტორიაზე ზვავი ჩამოწვა და დაშავებულია ორი ადამიანი.
"სვანეთინიუსმა" ამ ამბის გადასამოწმებლად მესტიის საავადმყოფოში დარეკა, სადაც დაშავებულებზე არანაირი ინფორმაცია არ შესულა.
"სვანეთინიუსმა" კურორტ თეთნულდის ხელმძღვანელსაც დაურეკა. როგორც კურორტ თეთნულდის მენეჯერი, ირაკლი ჟორჟოლიანი ამბობს, შემთხვევის ადგილას საქართველოს ერთი მოქალაქე და ერთი უცხოელი ტურისტი იმყოფებოდნენ, რომლებიც თოვლის მასაში მოჰყვნენ, თუმცა არანაირი დაზიანება არ აღენიშნებათ.
"სათხილამურო ტრასაზე ზვავი არ ჩამოწოლილა, ზვავი ჩამოწვა გაუკვალავ ტერიტორიაზე, სადაც ექსტრემალები ეშვებიან. მართალია თოვლში ორი ადამიანი მოჰყვა, მაგრამ მათ ერთი ნაკაწრიც კი არ აქვთ"-აცხადებს კურორტ თეთნულდის მენეჯერი ირაკლი ჟორჟოლიანი.